Mmengo eragidde abali mu Buganda beewandiise.
Bya Lilian Nalubega
Sunday, 07 March 2010

MMENGO ekunze abantu bonna abali mu Buganda okwewandiisa eri abaami b’amasaza ababatwala kibayambe okumanya omuwendo gw’abantu Buganda beerina okubateekerateekera mu kaweefube waayo ow’okutumbula embeera z’abantu n’okukendeeza obumenyi bw’amateeka obususse.

“Buli muntu alina obutuuze mu Buganda awatali kusosola okuviira ddala ku muto azaalibwa okutuuka ku bakadde n’abafa awatali kusosola mu mawanga, emyaka oba eddiini alina okuwandiikibwa tumanye abantu be tulina okuteekerateekera bwe tuba nga tuluubirira enkulaakulana gye twettanira.

Kino ky’ekiseera buli wa ssaza okutandika okuwandiika abatuuze abali mu kitundu kye tumanye abantu be tutegekera,” Minisita wa gavumenti ez’ebitundu e Mmengo Jolly Lutaaya bwe yagambye.
Lutaaya bino yabitegeezezza abaami b’amasaza mu lukiiko lwe baabaddemu mu Bulange.

Kino kijja kuyamba nnyo mu kuteekateeka Obuganda era Mengo mwebale kuteesa.

Kiteeso kirungi nnyo, naye simanyi oba nga kinasoboka nga Buganda ekyaali mu buwambe. Naye kijja kuyamba abagwiira okujjukira nti akaalo kaliko nyiniko, baleme kwesanga mu bizibu nga ba nyini nju batuuse.

Kino kiruddewo nokulwa amawanga amalal gonna gakikola ne mwa America bali kukawefube wa kubala bantu baabwe basobole buli state okugabana kyenkanyi okusinziira abantu berina. Kubanga tosobola kuba nabantu batono mu kitundu naye nga bomalirako ensimbi zegwanga lyonna abalala nlobaleka nga beelya nkuta za mimwa.

Kyokka lwoyagadde bakuwe obululu nolyooka ogabanya obusente bwebajje mu ntuuyo nobubakunganyaamu nobutwalira mu bubaasa obuwe boyagala bakulonde ngo bubasanza mu nsuku
mukifo kyokuwa buli muntu omukisa okwekolera neyeyimirizaawo kubanga ffe Abaganda bwebatyo bwebatukuza ngokulomba tulaba kya kivve nga Katonda yakeera natuwa emikono namagulu natuwa nobwongo obulowooza .

ate kino kyanguya nebintu okumanyi buli omu wasangibwa eno ebweeru bamanyi wa abagwiira awo kubasanga kubanga webabakumira kale tewaba nnyo ate kwebuza buza nga balina kyebetaaga okukebera, ate nga buli lwogenda okusaba omulimu olina okubawa endagiriro yo oba ngoliko service gyosaba oteekwa okubaako webanakusanga kale kizibu okwekweeka.